Эрдмийн зөвлөл

Эрдмийн зөвлөлийн үүрэг

ШУТИС-ийн бодлого, хөтөлбөрийн хүрээнд тус сургуулийн сургалт, судалгаа, инновацийн үйл ажиллагааг боловсронгуй болгох, хөгжүүлэх чиглэл, бодлого, зорилтыг тодорхойлох, түүний явц, үр дүнг хэлэлцэж, санал, дүгнэлт, зөвлөмж, шийдвэр гаргах, гарсан шийдвэрийг үндэслэн удирдлагад чиглэл өгөх, мөн ШУТИС-ийн Эрдмийн зөвлөлд санал оруулах үүрэгтэй.

Ерөнхий үйл ажиллагааны хүрээнд:

• Сургуулийн хэтийн болон ойрын төлөвийг тодорхойлох;
• Нийт багш, ажилтан, оюутнуудын баримтлах дотоод дүрэм, журмыг хэлэлцэн батлах;
• ШУТИС-ийн профессор, дэд профессор цолд нэр дэвшигчийг хэлэлцэх;
• ШУТИС-ийн хүндэт профессор цолд нэр дэвшигчийг хэлэлцэх;
• Санхүүгийн жилийн төсвийг батлах.

Сургалтын үйл ажиллагааны хүрээнд:

• Сургалттай холбоотой бүхий л асуудалд дүгнэлт өгөх;
• Сургалтын хичээлийн хөтөлбөрүүдэд хяналт тавих;
• Сургалтын төлөвлөгөөнд хяналт тавих;
• Шинээр мэргэжил нээх.

Эрдэм шинжилгээний үйл ажиллагааны хүрээнд:

• Сургуулийн эрдэм шинжилгээний ажлын тэргүүлэх чиглэлийг тодорхойлох;
• Сургуулийн хэмжээнд хийгдэж буй эрдэм шинжилгээ, гэрээт ажлуудад хяналт тавих;
• Сургуулиас эрхлэн гаргах ном, сурах бичиг, гарын авлагад хяналт тавих;
• Сургуулийн бүрэлдэхүүний тэнхим, судалгааны баг зэрэг судалгааны бусад нэгжүүдэд хяналт тавих, байгуулах, өөрчлөх, татан буулгах асуудлыг хэлэлцэж, санал оруулах;
• Докторантын ажлын хэлэлцүүлэг хийх.