IoT технологи

Холбоо, электроник, мэдээллийн технологи, программ хангамжийн суурь мэдлэг, чадваруудын зэрэгцээ мэдрэгч, суулгагдсан систем, утасгүй мэдээлэл дамжуулах технологи, үүлэн тооцоолол, өгөгдлийн шинжилгээ болон ухааллаг системийн чиглэлээр нарийн мэргэших бакалаврын зэрэг эзэмших, мөн үргэлжлүүлэн магистрын сургалтад хамрагдах боломжтой.

Хөтөлбөр нь физик ертөнц болон дижитал орчныг холбосон IoT-ийн архитектур, протокол, эмбэддэд программчлал, үүлэн платформ, мэдрэгчийн сүлжээ болон өгөгдлийн боловсруулалт зэрэг агуулгыг хамарна. ШУТИС-ийн эрэлттэй хөтөлбөрүүдийн нэг бөгөөд олон улсын инженерийн боловсролын CDIO стандарт, арга зүйг хэрэгжүүлж буй хөтөлбөр юм.

Элсэгч та холбооны салбарын хөтөлбөрүүдээс сонгосноор олон улсад хүлээн зөвшөөрөгдсөн хөтөлбөрөөр суралцаж суурь шинжлэх ухаан, инженер технологийн онолын ба ахисан түвшний суурь мэдлэг, мэдээллийн холбооны технологийн суурь мэдлэг, програм хангамж техник хэрэгслүүдийг ашиглах, системийн шийдэл гаргах, зохиох, хэрэгжүүлэх зэрэг мэргэжлийн үндсэн чадваруудыг эзэмшихээс гадна бүтээлч болон шүүмжит сэтгэлгээ, багаар ажиллах, харилцааны болон шинэ бүтээл, бүтээгдэхүүн бий болгох чадамжуудыг эзэмшинэ.

Суралцаж төгссөний дараа Монгол Улсын мэдээлэл холбооны салбарын томоохон компаниуд болон нийгэм эдийн засгийн бусад салбаруудад IoT-ийн технологийн чиглэлээр ажиллах боломжтой.