Компьютерын ухаан

"Компьютерын ухаан" хөтөлбөрөөр компьютерын шинжлэх ухааны онолын үндэс, алгоритм, тооцооллын арга зүй, компьютер загварчлал, ухаалаг системийн хөгжүүлэлт зэрэг чиглэлээр судалгаа, хөгжүүлэлт хийх чадвартай мэргэжилтэн бэлтгэнэ. Суралцагчид ухаалаг систем хөгжүүлэх, их өгөгдөл боловсруулах, бусад шинжлэх ухааны салбарын судалгаанд компьютер загварчлал, симуляц ашиглах зэрэг компьютерын шинжлэх ухааны дэвшилтэт мэдлэг, ур чадварыг эзэмшинэ.

Эзэмших ур чадвар: Компьютерын шинжлэх ухааны онол, алгоритм, тооцооллын арга боловсруулах; Компьютер загварчлал, симуляц ашиглан шинжлэх ухааны асуудлыг шийдвэрлэх; Ухаалаг систем, робот, автомат тооцоолох төхөөрөмжийн загвар боловсруулах; Их өгөгдөл боловсруулах, шинжлэх ухааны өгөгдөлд дүн шинжилгээ хийх; Хиймэл оюун ухаан, машин сургалтын алгоритм ашиглах, загвар хөгжүүлэх; Туршилтын өгөгдлийг боловсруулах, загварчлах; Биологи болон бусад системээс санаа авсан шинэ тооцоолын арга, алгоритм боловсруулах; Математик загварчлал, тооцооллын туршилт хийх; Судалгааны багт хамтран ажиллах.