Мэдээллийн систем

"Мэдээллийн систем" хөтөлбөр нь байгууллагын үйл ажиллагаа, бизнес процесс, хэрэглэгчийн хэрэгцээг ойлгож, түүнийг технологийн оновчтой шийдэл болгон хэрэгжүүлэх мэргэжилтэн бэлтгэнэ. Энэ мэргэжлийн гол ялгарал нь зөвхөн техник эсвэл зөвхөн программ дээр төвлөрөхгүй, харин бизнесийн асуудлыг системийн шийдлээр шийдвэрлэхэд чиглэдэгт оршино.

Суралцагч нь байгууллагын процесс шинжлэх, шаардлага тодорхойлох, мэдээллийн систем зохиомжлох, хөгжүүлэх, нэвтрүүлэх, сайжруулах, байгууллагын шийдвэр гаргалтыг дэмжих систем бүтээх, энтерпрайз систем, цахим үйлчилгээ, бизнесийн ухаалаг шийдэл боловсруулах ур чадвар эзэмшинэ.

Төгсөгчдийн ажиллах гол чиглэлүүд: Мэдээллийн системийн мэргэжилтэн; Системийн шинжээч; Бизнес шинжээч; Өгөгдлийн шинжээч; Энтерпрайз систем хөгжүүлэгч; Өгөгдлийн сангийн администратор; Программ хөгжүүлэгч; Дижитал шилжилтийн мэргэжилтэн.